洪永城 女兒與爸爸似足餅印 主動攬實梁靖琪細仔 首嚐榴槤展露為食樣
2023-09-03
洪永城與梁諾妍的女兒洪靖嵐(Amber),轉眼間已經一歲多,樣子長得與爸爸洪泳城似足餅印,連工人姐姐也笑稱她為Sir Face。小Amber深受網民寵愛,最近跟媽媽梁諾妍到馬來西亞拍攝劇集《家族榮耀之繼承者》,還與梁靖琪細仔玩得好開心,更首次嚐到榴槤滋味。
梁諾妍近日在馬來西亞拍攝劇集《家族榮耀之繼承者》,早前與同劇的陳靜(DaDa)鬥晒結實腹肌。最近梁諾妍又接連貼出囡囡Amber的短片,原來Amber與公公婆婆(梁諾妍父母)也有到馬來西亞與媽咪一同拍劇。梁諾妍昨日分享與陳靜的開工相外,還見到Amber與梁靖琪細仔Rain一齊玩,期間Amber遇主動攬住Rain,不過拍醜的Rain竟然立刻揭開T恤,反應勁可愛。梁諾妍之後又分享與囡囡Amber到遊樂場玩,Amber還玩到面珠㻻紅卜卜,勁趣緻。
今日梁諾妍則與家人帶Amber去食榴槤,首次食榴槤的Amber見到榴槤上桌即伸手掂榴槤,似乎絲毫不怕榴槤的味道。隨後婆婆伸手撕開一小塊榴槤讓Amber品嚐,Amber已即時擘大個口,看來相當為食,而Amber食完榴槤還一臉滿足,媽媽梁諾妍也顯得極為興奮,以高音說:「啊哈,佢鍾意啊!」
《星島頭條》授權轉載
其他文章﹕
MIRROR演唱會|阿Mo已除去身體以外一切接駁喉管 使用外骨骼102次
楊茜堯慶44歲生日與囡囡扮公主 老公羅子溢唔見影公開喊話一個要求