2023-09-18
唔經唔覺又到中秋節啦，食月餅、玩燈籠，一定係指定動作。最近爸爸就收到份月餅禮盒，唔單止月餅，外面紙袋同盒都好吸引，圖案係阿寶鍾意嘅迪士尼米奇與好友，禮盒本身仲可以着燈做燈籠，咁齋睇已經好靚，阿寶拎上手唔願放低呀！
呢份可以一物二用嘅月餅禮盒，係「奇華迪士尼米奇與好友系列燈籠月餅禮盒」，原來由香港藝術創作團隊URDU設計，上面嘅米奇、唐老鴨、鋼牙與大鼻，一齊化身成太空人登陸月球，喺月圓之夜「Zoom to the Moon」。至於禮盒入面有6個裝奶皇月餅，印有「米奇」頭像、「唐老鴨」足印，以及「鋼牙與大鼻」松果造型，口味分別係「蛋黃奶皇月餅」同埋「朱古力味香橙乳酪奶皇月餅」，咁可愛真係唔捨得食！
另外，爸爸除咗收到咁靚嘅燈籠月餅禮盒，仲收到同系列嘅單個裝月餅禮盒，盒上面嘅設計好似紀念金幣，印有太空人服飾嘅迪士尼米奇與好友，一齊紀念參與中秋奇妙登月之旅。呢幾套咁靚嘅月餅禮盒，而家全線奇華餅家分店都有得賣，買盒用嚟收藏都值得呀。
爸爸講多個着數畀大家知～而家喺奇華門市買呢個系列月餅禮盒，仲可以用優惠價換購「奇華迪士尼米奇與好友系列購物袋」，今個中秋節帶埋去賞月，阿寶一定好開心！
按此了解更多「奇華迪士尼米奇與好友系列月餅禮盒」
作者：80後爸B，原文刊登於「阿寶與爸B 生活日常」FB專頁
其他文章：
