夫妻關係︱產後想回娘家 坐月 遭老公反對 準媽媽爆喊：由頭到尾完全唔明白我
2023-09-25
俗語有句「月子坐得好，一世無煩惱」，老一輩經驗指，如果媽媽 坐月 「坐不好」會出現後遺症。有準媽媽於網上討論區發帖指，計劃產後到娘家坐月，而且奶奶亦不反對，惟老公卻不允許，以「冇人返娘家坐月」為理拒絕妥協；對於老公不明白自己，準媽媽坦言「真係好唔開心…委屈到喊出嚟…我諗生前生後都會有抑鬱」。
這名準媽媽在帖文中透露，自己計劃產後到娘家 坐月 ，「我媽啲嘢都準備好晒…我媽其實一早就同我講坐月就喺我呢邊坐！我媽係好歡迎我返去仲叫我同老公一齊返去」，惟她早前與老公商討此事，對方卻「聽完個樣變晒」。準媽媽表示，有向老公解釋坐月一定要坐好，所以堅決要回娘家坐月，同時問他會否一同到娘家，若不想就自己放工前來睇BB。
然而老公對2個方案都表示反對，直斥「冇人返娘家 坐月 」，於是準媽媽反駁「邊度冇？大部分人都係咁！」又謂「其實我真係好唔開心！佢由頭到尾完全唔明白我！加上我而家陀緊呀B！我真係委屈到喊出嚟！好辛苦！…我諗生前生後都會有抑鬱」。
對於準媽媽的經歷，不少網民表示同情，同時留言安慰事主：
-
- 網民留言
事後，這位準媽媽再有回覆留言，表示奶奶不太懂坐月事宜，而媽媽有經驗，因此奶奶亦同意她回娘家一事。她揚言「點都會企硬」，又回想懷孕初期害喜，由於媽媽知道自己口味，因此亦有回娘家安胎一段時間，「自己阿媽知自己個女咩口味，加上我媽最有經驗！」同時直斥老公「唔聽人講野…覺得自己講嘅嘢係啱咁，真係同佢傾都血壓上升！」
來源：討論區
更多文章：
