官恩娜關注狎童新聞 曾為5歲女兒報體操班詢問有否CCTV被職員嘲神經過敏

 官恩娜 （Ella）與中法混血老公於2015年結婚，婚後育有一子一女，淡出幕前專心相夫教子。Ella不時會在個人社交網站上分享孩子的近況，日前在社交平台轉載一篇載男導師非禮女童新聞，並提到自己早前帶囡囡去學體操嘅經歷，引起網民討論。

自從組織了家庭後，官恩娜不惜放棄演藝事業而專心照顧一對仔女，官恩娜日前（8日）在限時動態出PO，但今次並非貼旅行靚相，而是轉貼一篇一名有戀童癖的男子，在社區中心擔任義務導師，因上課時狎童而判囚兩年，同時揭發這男子早年亦曾以「義教」為名非禮女童的報道，官恩娜留言道：「每次見到呢啲新聞都好難受！我們有需要好好 #保護兒童！」接着官恩娜再出PO，分享了女兒學體操的一個憂慮，想不到竟然引起網民討論。

官恩娜問教室有否閉路電視

官恩娜說：「我個女之前學體操，係一個男教練，所有小朋友都要着好似泳衣嘅體操服，班裏面全部都係三至五歲嘅細路女，上課嘅時候家長唔可以入去，亦睇唔到裏面嘅情況，只係有一個男教練喺裏面。我打電話詢問教室裏面有冇閉路電視。」官恩娜續說：「聽我電話嗰個女人話我太緊張，一定唔會有呢啲事發生，話我神經過敏，想問呢啲事發生之前有冇人會預知呢？做媽媽保護好自己嘅小朋友就係神經過敏？最後確認課室裏面係冇閉路電視嘅，但係嗰個女人都堅持我係太擔心同神經過敏，拋低一句：咁驚唔好學囉！」

官恩娜再三為自己的憂慮解釋：「唔好誤會，我絕對唔係話嗰個男老師都有問題散播恐慌，我只係想話畀大家聽，呢啲不幸嘅事情，成日都發生，點解大家唔可以提高啲Awareness，避免任何一個小朋友受到傷害，因為一個都嫌多！」最後官恩娜都有問大家：「請問所有受害人嘅父母送小朋友去補習社…興趣班etc…，之前會唔會諗到會有啲事發生呢？如果佢哋打電話去詢問有冇閉路電視可能得到嘅答案都同我一樣…」

官恩娜獲網民力撐並非多此一舉

事件惹來不少網民留言，有人覺得官恩娜的舉動多此一舉，不過亦有人力撐：「唔好剩係講到性侵，虐兒都唔少啦，如果係做體操時失手發生意外呢，咁有CCTV保障返教練同小朋友唔好咩，我撐Ella!」、「咁做別人口中的麻煩亞媽，好過個女有事呀！」、「唔好去嗰間學，一啲保護兒童意識都無。開幼兒班，但透明度又咁低，出面又睇唔到入面發生咩事，入面只得一個成年人，一陣又咩事真係邊個知？基本保障都俾唔到學生，仲要受氣。咁點解要去嗰度學呢？」官恩娜亦解釋稱：「我係希望有閉路電視保障返雙方嘅安全同權利，唔係怕有閉路電視睇蝕我個女。」

獲星島頭條授權轉載

更多文章：

胡杏兒44歲生日獲兒子送帽兼爭住獻吻 6歲大仔升讀私立名校盛產IB狀元

官恩娜瑞士山峯餵人奶 獲網民力撐