東張西望丨屯門屋邨中年漢涉接連猥褻幼童！受害家長控訴愛女被「貓狗」入屋

TVB《東張西望》昨日報道一宗屯門大興邨有中年漢涉嫌猥褻幼童個案。最近媽媽群組瘋傳一段中年漢疑似在公園涉嫌非禮幼童的短片，該中年漢抱住男童讓他坐大髀上，期間中年漢更對男體下半身疑似有所動作，隨後再有媽媽於社交網貼文，更指自己的子女亦曾被該男子跟蹤！

昨日《東張西望》到大興邨訪問街坊，有帶住小朋友的媽媽向主持表示，知道該明涉嫌猥褻幼童的中年男子：「畀糖、畀佢抱吓。」另一個媽媽亦表示女兒的同學曾經遇該到該名男子。一個年約5、6歲的小妹妹則說：「有個叔叔，我哋唔識嘅叔叔，同佢玩囉。（嗰個叔叔咩樣？）戴住眼鏡，好似白色衫。」

有一名疑似受害女童的家長「陳小姐」向《東張西望》報料，更提供女兒被該男子跟蹤的片段。陳小姐說：「我小朋友14歲，有次無返學，見到呢個自稱叫『村長』嘅中年漢，同佢講：『我屋企有貓貓狗狗，你上嚟玩啦。』跟住之後就上咗去玩。我問返有無做過啲『行為』，嗰個中年漢答我『有』，我已經唔敢唔面對，聽到已經腳軟。跟住我個女入咗院，睇心理報告，而家都有睇心理醫生。」陳小姐指在囡囡入院後曾問女兒，中年漢對她曾過甚麼事，而女兒則表示對方曾摸她的胸部及私人部位，推開對方後便離開。

涉非禮中年疑智障

陳小姐引述街坊消息，指該名中年男子父親已經90多歲，媽媽是一名智障人士，陳小姐形容該男子：「佢係30至40幾嘅中年漢，佢有輕度弱智，智商得8歲，佢係溝通到，乜都知，都唔蠢，好似正常人咁。餐廳叔叔話，有次有個人撞到佢，跟住佢話人哋打佢，人哋想話佢，但佢話：『我揸白卡㗎！』」

警方已拘捕一名39歲男子

陳小姐指已就女兒被非禮一事報案，陳小姐指：「我問佢（警察）幾時上庭拉到呢個人，佢係一個輕度（智障）人士，要經好多人，要攞報告、檔案。我係錄影落案，到而家都無回音。因為呢件事我覺得壓力好大，唔想再喺呢條邨，所以我申請調邨，但都未調到。警方話佢最多都係坐三個月就出返嚟，我聽到都好唔開心。」而警方昨日（19日）下午已在大興邨，以「涉嫌非禮」拘捕一名39歲男子，被捕男子現正被扣留調查。

來源：星島頭條授權轉載、東張西望