豪擲5000元禮聘母親大掃除 網民聲討「孝順仔」:阿媽唔係工人
2024-02-05
家家戶戶趕著年廿八前洗邋遢,有與母親同住的「孝順仔」早前在網上「香港討論區」發文抱怨,指「阿媽寧願幫人大掃除都唔執自己屋企……」,並聲稱「畀咗5000蚊(當過年利是)」禮聘兼職家務助理賺快錢的母親出手大掃除。
5000元擲地有聲,但卻被大部分網民非議,提醒樓主「阿媽唔係工人,上班拍拖唔係大晒」,反問「點解你自己唔執?」。
「孝順仔」發文抱怨指,臨近新年「阿媽日日都唔見人」,原來兼職做家務助理,「佢話而家好多後生仔女都好忙冇時間自己執屋清潔,所以好捨得畀錢請家務助理/鐘點」。
於是「孝順仔」指與母親同住的家都好亂,但「阿媽又唔執喎」,而母親指「出去做家務助理有錢收,但屋企執冇錢收」,並提出兒子可以付費予她作收拾。於是「孝順仔」給予5000元「過年利是」,而母親亦開始收拾,但「出面嘅客戶比較重要」,將家中的工作排最後。
網民留言
網民回應力挺伯母:
「你阿媽100%做對」
「你媽做得對了!敬業啊」
「樓主有呢個阿媽,真好……」
「你媽等你執呀~」
「到最後年廿八先執仲乾淨。」
「點解唔幫手執?」
「你阿媽做得好吖」
「話時話,點解你又唔幫手執呢?間屋你冇份住咩?」
「出去做家務助理有錢收,但屋企執冇錢收。你無畀家用?」
「新年唔係要自動自覺畀多啲屋企人咩?」
「正常唔應該要阿媽做,同埋畀得到,畀多少少錢畀媽用,唔好畀佢去打工,叫佢行下街出去玩。」
「時間自己安排,阿媽唔係工人,上班拍拖唔係大晒,嫌三嫌四,自己執最乾淨啦。」
亦有網民撐事主:
「你估有好多後生真係唔使返工做隱敝(仔/女)咩!人哋返工都好忙嘅時候,返到屋企都好攰,未必會有時間執屋呀!」
「你自己落手執啦收返5000元」
「最緊要係日常習慣,我屋企執完過幾日仲亂過未執之前,所以我都放棄咗執屋」
歲晚家務助理 建議時薪135元-165元
僱員再培訓局的家居服務轉介平台「樂活一站」推出大掃除、煮團年飯及製作賀年糕點等服務,其中大掃除服務的建議時薪由135元至165元不等,比去年多10元。
獲星島頭條授權轉載
更多文章: