蘇志威大女顏值完勝媽媽劉小慧 日本深造歸來完成兒時夢想 開班收徒連內地影帝都讚好
2024-02-13
52歲劉小慧和 蘇志威 的大女蘇君蕎(Yumi)一直夢想成為甜品師,所以當年考完DSE後,在父母的支持去了日本深造甜品貨課程,在2022年終於學成回來,近年更開設了餅店,除了開班教人外,今年嘗試擺賀年市集,蘇君蕎不單遺傳了爹哋的生意頭腦,外貌更加完勝劉小慧當年「初戀情人」的樣子!
今日熱話今晚煮乜好
劉小慧大女顏值完勝媽咪?
劉小慧的兩名女兒向來盡得媽媽真傳,細女蘇靖珺試過與媽咪齊齊直播,跟媽媽一樣擁有一雙又圓又大的眼睛,皮膚白皙,激似「最美星二代」邱淑貞女兒沈月!想不到家姐的外貌更勝一籌,在2022年終於由日本學成回來後,大女蘇君蕎與朋友合資開餅店,早前更與媽咪合體做直播,為媽咪擔任模特兒。
片中見到兩母女坐在一起,似姊妹多過似母女,蘇君蕎的外貌比媽咪當年「初戀情人」更為吸引。片中劉小慧分享了當年拍《雙鐲 》的辛酸史,兩人即場清場電影的主題曲《似是故人來》,劉小慧說:「呢個係一個辛苦嘅日子,但係人生中一個深刻經歷。」
談到新年願望,蘇君蕎亦說:「好簡單,身體健康,開心就得,當然都希望事業有啲突破。」劉小慧有感而發地說:「呢個女由細到大把口出咗名係唔張開,唔鍾意表達,自從近呢一年,轉變咗好大,行咗心靈呢條路,我哋生活咗咁多年,遇到好多經歷,好多時有啲唔如意,個人就會跪低,如果我哋心靈健康,呢啲經歷就會過,可以創造咗好多嘢。」其後蘇君蕎在IG亦說:「2023年都有好多事情發生,我亦都轉變兼成長咗好多,而現在嘅我鍾意多咗講嘢同分享,媽咪話我而家好多嘢講,被一個真係好多嘢講嘅人話我多嘢講,都唔嘢少!」
劉小慧昔日靚相:
蘇君蕎曾經被挑選為黃渤製作生日蛋糕
成為了餅店老闆娘的蘇君蕎,今年農曆年擺市集,爸爸蘇志威亦專程去探班。蘇君蕎現在而且更成為家中的甜品專員,每逢家中有朋友作客或舉行派對,都會負責製作甜品:「好多時我整完新產品都會畀媽咪試食,因為佢好要求高,如果話好味,9成都冇死;爸爸就好似冇乜特別要求,好似我整乜佢都鍾意。」
不過蘇君蕎親自製作的蛋糕相當有水準,曾經被挑選為內地影帝黃渤製作生日蛋糕,當時黃渤開直播讚好食,她忍不住說:「我嘅蛋糕出現喺影帝手上!榮幸榮幸~希望少少嘅蛋糕可以讓大家嘅生日過得更加圓滿。」
獲頭條日報授權轉載
其他文章: