東張西望丨天瑜爸爸夢見健康女兒揮手說再見 哽咽道別:期望天堂再見

2024-04-21


因醫療事故變成植物人逾3年的8歲女童周天瑜,上月10日不幸離世,今日天瑜爸爸為她在鑽石山殯儀館設靈,並設公眾弔唁。天瑜爸爸今早接受《東張西望》訪問,提到天瑜離世後曾夢見女兒,期間更一度講到哽咽。

天瑜爸爸透露,現時心情已經平復了不少:「佢走咗開頭幾日,心情起伏會大少少,之後我哋都好快消化咗呢個消息。上年年底醫生同我哋講佢身體開始轉差,我哋都有心理準備,而且我哋覺得已經咁多年睇住佢咁辛苦,咁嘅結果可能對佢來講係一種解脫。」

不過天瑜爸爸表示,仍然係掛念女兒:「好掛住佢,成日睇佢啲相。」天瑜爸爸更表示曾夢見過女兒兩、三次:「印象最深刻一次係,佢離開大概三日,我夢見佢坐一架藍色嘅巴士,係天上面飛過,嗰時有兩個佢企喺巴士最後,揮手同我講Bye bye,一個係病咗、無頭髮嘅佢,一個係健康嘅佢,紮住孖辮,好得意咁企喺度,兩個佢好開心咁同我bye bye,我印象好深刻。」

天瑜爸爸續言:「醒咗之後,我真係兩行眼淚,喺度喊晒,好唔捨得。不過起碼夢入面,覺得佢係好開心嘅一個道別,可能我心理上都會覺得佢特登嚟同我講bye bye。」

天瑜爸爸表示:「以前喺佢床邊,每日都會同佢講,我哋身邊發生咩,今次我哋都最後一次同佢講,爸爸最近生活,都話畀佢聽我身體狀況係點,話畀佢聽我哋會永遠掛住佢,唔會忘記佢,同埋我好期望喺天堂見到佢。」期間天瑜爸爸更一度講到哽咽。

身患癌症的天瑜爸爸又透露目前病況已好轉:「報告唔錯,以前發現癌細胞嘅地方,例如手臂、肺部都已經冇晒癌細胞。」而現今天瑜爸爸最大的心願,就是希望家人生活能夠回復正常:「從2018年阿女患癌開始,我哋屋企生活已經亂晒。」天瑜爸爸亦表示對醫管局、瑪麗醫院的不滿說:「雖然佢人走咗,就係因為人走咗,到而家醫管局、瑪麗醫院對呢件事都冇合理解釋、滿意交代,我覺得係唔能夠接受。」

星島頭條授權轉載

更多文章:

天瑜設靈︱天瑜爸爸:至今無收過醫管局慰問 社交專頁營運至拿回公道

8歲無針女童染甲型流感 周三發燒咳嗽 翌日入院病情轉壞不治

熱門文章

方媛分享女兒功課疑揭母女「約法三章」 郭富城堅持與妻女以廣東話交流
03-07
女子帶遇車禍、終生不能自理前夫改嫁 現任丈夫分擔照顧 餵飯、幫忙洗澡無怨無悔
03-07
病房陪愛兒3日直至去世 媽媽傷心辦喪禮 突然收到兒子訊息 結局超荒謬
03-06
唔怕改壞名︱2024 香港熱門中英文名字 榜首原來係呢個名...
03-08
天瑜腸道蠕動失調 暫時只能注射葡萄糖水 爸爸歷55次電療 癌指數已回復正常水平
03-08

山東夫妻申請分手但均拒養患病幼女 法院:不准離婚
2024-05-18
西營盤的士司機昏倒車廂送院亡 遺一對子女 其同業胞兄年前亦駕車病發逝
2024-05-18
出生時不足1磅 22週早產B女展示「生命奇蹟」 住院治療半年後終順利出院
2024-05-18
天文台|低壓槽殺到! 明日開始落足9日雨 5.20有幾陣狂風雷暴
2024-05-18
朱千雪公開萌B照片宣布誕子: Ours BB腳仔超得意 貼藍色心心暗示生B仔
2024-05-18
福建1歲女童因鉈中毒導致癱瘓 調查揭露更多家庭悲劇 背後竟是其大伯母所為
2024-05-18
查看更多   ▸