張致恒與老婆網上隔空再次嘈交 雯雯狂呻「我廁所都唔敢去」
2024-12-20
張致恒（Steven）和妻子區燕雯（雯雯）結婚五年，育有四名孩子。由於家庭經濟困難，夫妻間的壓力日增，雯雯時常在社交媒體上發文表達不滿。最近，她在Instagram強烈批評丈夫過度沉迷於電玩，忽略家庭責任。張致恒對此不服，隨即在網上作出回應，雙方的公開爭執引起了網民的廣泛關注。
雯雯在一條Instagram動態中表示:「呻完就算，世界上有啲人就係喜歡活係（喺）電子世界，現實世（界）與佢冇關係，火警都依然拎住個電話睇緊。」接着雯雯再次發功，繼續於社交網喪鬧：「一直最不知所謂嘅回答，『我都係玩兩下姐（啫）』，大佬個仔嚴重到，我去個次（廁）所都唔敢，你仲同我講兩下姐（啫）」、「睇到新聞，其實覺得幾好笑，錢就唔講喇，一直都冇架（㗎）喇，最欣賞係仲有時間姐（啫）。回答：唔通我24小時望住佢地（哋）？唔好意思，有特殊小朋友又真係要24小時望實。」
雯雯又再出PO炮轟老公：
張致恒則在社交網站上回應說：「邊個話一定要錢先可以打機？再加上我每次都係打幾分鐘，平時我真係好少出聲，但係今次我真係唔覺得自己有錯囉。」從言語之間，疑似雯雯不滿Steven打機浪費金錢。
這場夫妻間的網上爭執意外地獲得了許多網民的支持。在討論區上有人表示同情，認為張致恒像被剝奪了自由：「真係慘 乜自由都冇晒」、「活係電子世界，咁佢（雯雯）用緊咩嚟上IG」、「張致恒用自己實力，唔課金抽兩張噴火龍EX，條八婆竟然屈佢係課金抽」。張致恒見到評論後，之後發Story叫連登仔加佢一起打機。
張致恒和雯雯面對的經濟壓力不斷，造成他們的關係緊張，甚至有時不得不向網民求助。張致恒曾嘗試多種工作以改善經濟狀況，從小食店到成人用品店的零工，甚至跟隨吳浩康轉行做職安真漢子，考獲「平安卡」到地盤返工。
即睇 張致恒 一家照片：
更多文章:
