郭富城驚喜現身東華三院小學！令全場Miss「瘋狂」 小學生聽天王代表作反應曝光
2025-05-17
59歲天王郭富城日前現身東華三院李東海小學進行名人訪談，期間開金口唱歌。Threads上流傳郭富城在小學禮堂表演的影片，令全場師生high爆，可見出道逾30年魅力不減。
小學生都識唱郭富城代表作《強》
有網民今日（16日）在Threads分享郭富城在小學表演的影片，留言表示：「連四大天王都開始school tour? 」網民紛紛留言表示羨慕，「郭富城嚟我學校我會尖叫，嚟中學School tour plssss」、「我小學日日loop呢首歌，中學陸運會又必唱……點解我讀小學嘅時候，城城冇做school tour啊？」、「天王級數都出學校show，城城真係無得頂」、「見係小學以為係（唱）《Baby Shark》，點知係呢首，但點解小學生識唱呢首」。片中可見，郭富城走到學生人群中演唱《強》，網民都驚訝一眾小學生竟幾乎全跟着唱，而且沒有忘詞，直指經典好歌就是不分年紀都識唱。
郭富城現身小學表演令師生瘋狂？
郭富城令多位女老師「瘋狂」
郭富城本來拿起咪高峰演唱《強》，但當他遞咪高峰時，一眾小學生即時接唱，郭富城都非常興奮。而影片亦可見，一眾女老師明顯High爆，不僅人人拿出手機拍攝郭富城，更一起唱歌，以及隨節奏擺動身軀。網民笑指：「Miss仲開心過啲學生」、「呢鋪真係老師也瘋狂」、「其實係咪校長老師想追星」、「近過睇演唱會，畀我都high啦」。
獲《星島頭條》授權轉載
更多文章:
