方力申 女兒「曝光」超活躍！太太將入住豪華山景房生b 奢華靚房有大玻璃採光度極高

方力申 在今年情人節宣布與拍拖兩年多的女友葉萱（Maple）結婚，到了父親節宣布「我將要做爸爸了」，女兒預計今年年底出世，方力申將會陪太太入產房生B：「我驚血，細個嗰陣試過見血暈倒，不過我唔入去產房陪佢就死梗。」

方力申陪太太產檢為自己綵排

隨着太太的預產期臨近，方力申周三（24日）在IG貼上一段短片，透露日前陪太太到醫院進行胎兒結構性超聲波檢查時，順道參觀醫院的產房和病房，期間竟然為自己綵排一件事，搞到醫護人員啼笑皆非。

方力申期待女兒出世

即將榮升做爸爸方力申，周三在IG貼上陪太太進行產檢的短片並說：「日前我同太太去港怡醫院照BB嘅結構，好感恩，舒醫生話BB一切正常。由於之後太太都想喺港怡醫院呢度生BB（想順產），護士就好好咁帶我哋上樓參觀房間同產房，聽完佢哋細心講解『生產』過程後，本來心情好平靜嘅我，依家開始有少少緊張，咪住先，呢啲唔係緊張，係興奮先啱，要開始準備做爸爸喇。」片中所見，方力申在太太進行胎兒結構性超聲波檢查時，已經對女兒讚不絕口：「佢嘅脊骨靚過我呀。」看到女兒的活躍程度，方力申表示「既興奮又好期待。」

方力申為肌膚之親與老婆爭寵

接着方力申又到產房和病房參觀，聽到醫護人員說：「媽媽生完BB後，我哋會安排媽媽同BB先做肌膚接觸。」方力申立即搶着說：「冇爸爸架？（可以，不過畀媽媽先。）」後來看到病床有一張凳，方力申笑說：「嗰張凳係畀爸爸？如果我暈血咁點算？（咁你坐低先唔好郁）咁我綵排下先，我呢邊畀佢鍊住，畀佢鍊到流血都冇人理。」

有不少人教路：「你要開始執定走佬袋放屋企 ，你上youtube 睇下啲生仔過程，睇多幾次就唔暈血㗎啦。」、「期待偶像嘅BB女出世。」、「期待期待，祝一切順利。」朱薰亦有留：「係咪緊張過出去比賽？」

獲星島頭條授權轉載

更多文章：

颱風樺加沙 市民笠膠袋當雨衣 攬燈柱候車 涉水而行 大風無阻返工決心

颱風樺加沙︱林超英解構 玻璃窗 爆破成因 一種方位窗戶特別高危（附圖解）

即登記成為Oh!爸媽會員，或加入Whatsapp媽媽谷，緊貼第一手親子資訊。