【超過200個派發點】免費環保利是封任你拎
2017-01-20
新年仲有一星期就到啦！派利是係一件開開心心嘅事情，對小朋友而言更加係新年嘅重頭戲。係封利是嘅同時，有冇諗過點樣可以做到既環保，又體面？
今年係綠領行動第八年舉辦「利是封回收重用大行動」，而經篩選嘅「新生利是封」會於1 月 11 日至 1 月 27日期間，係港、九、新界約 270 個地方免費派發。今次活動一共提供超過 400 萬個二手利是封供市民免費索取，派發地點包括郵政局、領展商場、屋苑、賽馬會場外投注處、其他機構商場店舖等等。
領取利是封嘅方法非常簡單，只需要到指定地點即可，無須事先登記或申請，非常方便！
大部分利是封都仲好靚、好新淨！新嘅一年，等我地一齊為保護地球行多一步！
所有派發點地址可以係以下網址搵到：
活動詳情可參閱綠領行動Facebook Page
資料及相片來源：綠領行動
相關文章：【晴朗天】D・PARK「童」慶賀利是封