【自私父母?】搭飛機遇上恐怖鐵三角: BB x 廉航 x 中長途凌晨機
2019-02-16
本港不少爸媽都會帶BB出外旅行，但若搭飛機時BB哭鬧不休，干擾到其他乘客，就分分鐘天怒人怨，最近一名網民在「生仔要考牌」fb專頁投稿，表示近期搭飛機去日本，卻遇上同艙的小朋友全程哭鬧不休，長達數小時，令同艙旅客不得安寧，更甚就是遇上恐怖鐵三角: BB x 廉航 x Red-eye Flight，全文如下:
.
某年衝日本，放工搭夜航機——無睇錯，係十二點起飛嘅UO。
.
UO成機一行6個位，成機唔夠200人。廉航係迫，大家都知。搭得red-eye，我預咗聽到鼻鼾聲。鼻鼾聲我瞓到，有規律嘅噪音，咪同搭車一樣，瞓到嘅（我可以由起飛前搭到land，我好易瞓）。
.
但當announcement開始叫啲人扣安全帶，就聽到後排有個B係度喊。
.
我無養B，亦都唔鍾意細路，所以我唔知佢幾大😅，可以手抱又識講幾句嘢嘅年紀啦！
.
佢一直喊一直喊，成機嘅人都瞓唔到望住佢，爸爸媽媽輪流抱住佢係走廊行來行去。
.
個細路女由一邊喊，一邊話「爸爸/媽媽我好攰，我好眼瞓。」但佢完全瞓唔到，時間唔啱，生保地方+氣壓。只見佢喊到失晒聲，但都瞓唔到。