報販疑收假500蚊港紙「練功券」 恐流入市面籲市民警剔
2020-10-30
年近歲晚要小心騙徒，Facebook專頁「全港報販大聯盟」昨日指，近日有報紙檔收到500蚊假銀紙，該銀紙是內地銀行的「練功劵」，他指「練功劵」同真銀紙有8成似，質地亦相似，是內地銀行讓員工練習數銀紙時用，但會印有「票樣、練功專用、禁止流通」的字樣。
專頁提醒同業要小心，又批評騙子「『有心人裝無心人』，有時啲人摺住畀埋嚟就係搏你睇唔到。」，擔心一個人睇檔時，分身不暇就會出事，苦嘆「一張假銀紙咁就兩日白做，真係想追都追唔返！」。
專頁提醒其他人，「行使」抑或「保管或控制偽製紙幣」都屬犯法，即使不幸收到，「都千祈唔好諗住洗咗佢就當唔知！」籲一定要報警處理。
有網民感謝其提點，指「大家唯有小心啲」，又有網民質疑為何「大陸銀行用嚟訓練係用道具港幣，唔係用道具人民幣？」。
頭條日報授權轉載