SEN｜踩 單車 打開自閉兒的世界 家長喜見兒子成長：每個孩子都有發亮的一刻

很多家長在假日時，都會陪小朋友踩 單車 ，既可以鍛煉身體，亦是難得的親子時光。對於Ray與lolo、Dayna與Boden兩對親子來說，踩單車活動意義重大，是父母見證SEN孩子成長的一道門。

單車 打開自閉兒的世界

lolo是一個自閉症孩子，但在運動方面很有天賦，6歲開始學習游水，拿過多個獎牌；不過爸爸Ray覺得，游水只需要在泳池埋頭苦練，對人與人之間的溝通沒有幫助，於是帶着13歲的lolo踩單車，兩父子一踩就是將近10年。

他們每個周六都會沿着單車徑到處去，周日則跟車隊一同訓練，風雨不改。踩單車已經成為lolo的習慣，Ray表示，如果有一個周末沒有去踩單車，仔仔就會在家中唱歌：「不停提醒你有嘢唔記得做。」

Ray同lolo兩父子每個周末都會踩單車，風雨不改。

今年22歲的lolo已經開始要求自己一個人踩單車，不准爸爸跟隨，令Ray哭笑不得：「佢會自己一個人踩去元朗，唔准你跟，但佢好準時，約定4點鐘返，就會4點鐘返到。」既擔心又害怕的Ray，唯有幫仔仔的單車安裝攝像機，並要求他開啟whatsapp定位，做好一切保護措施，才放手讓lolo自己去闖。

自閉症的孩子特別遵守規矩，這亦是Ray放心讓lolo獨自踩單車的原因：「佢安全意識好強，紅燈一定唔會過（馬路），有時候你想過，佢都會拉住你。」唯一擔心的是，如果仔仔和其他人發生碰撞，萬一不幸受傷，仔仔不會表達。不過，薑還是老的辣，有時Ray會偷偷跟在仔仔後面，確保他的安全：「我踩單車徑十幾年，邊啲位可以匿，我都好清楚。」

作為爸爸，Ray對 單車 帶給仔仔的變化覺得非常感恩：「以前的lolo見到陌生人好抗拒，躲在我背後，但踩單車後認識了許多朋友，開始會主動和別人打招呼。見到人哋着單車衫，佢會覺得係自己人，唔抗拒，開始會同別人溝通。」

lolo的模仿性很強，見到爸爸踩完單車之後會擦單車、洗單車衫，會默默跟住做。於是，單車亦成為Ray教仔仔學習獨立生活的開始：「例如返學、買外賣、買餸、自己煮嘢食、洗衫、屋企所有清潔。」就像學踩單車一樣，lolo一個一個步驟模仿學習，早前爸爸生病，lolo已經可以「獨當一面」，幫忙照顧爸爸。

lolo同爸爸一起檢查單車。