| 日期 | 全年適用 |
秋天已經來啦！天氣就來會涼浸浸，自然係BBQ既好時節。如果爸爸媽媽想慳番買燒烤食材同去公共燒烤場霸爐嘅時間，又想小朋友玩得開心的話，相信位於大埔汀角路附近的「大尾督嘉年華燒烤」，係一個必去嘅好地方！
「大尾督嘉年華燒烤」佔地接近四十萬呎，場內嘅草原環境非常寬敞，一片綠油油嘅風景令人心曠神怡。
小朋友來到燒烤場，除咗食嘢之外，仲可以去小型公園瀡滑梯、攤草地。如果星期六、日同公眾假期來到的話，佢哋更可以玩全新嘅充氣滑梯跳彈牀，非常好玩！
講完玩，就講到食啦！原來場館會提供3款燒烤形式，供大家選擇。例如4小時任食嘅傳統港式燒烤、3小時任食嘅重慶串燒或韓國燒烤，可以按你哋嘅口味來揀！如果選擇傳統港式燒烤，場館會提供如蒜香豬扒、香芽豬頸肉、多春魚、金沙骨等食物。假如你揀重慶串燒或者韓國燒烤的話，食物除咗包括港式燒烤嘅食物之外，仲可以揀多d本身款式提供嘅食物添！另場館都為每一個客人準備燒烤用品、1套環保餐具同飲品（汽水1罐或蒸餾水1枝），非常方便一家大細！
值得留意，喺9月15日開始，場館仲會逢星期六、日供應單點泰式小食，例如泰式燒魔鬼魚裙邊$10/件，泰式青口煲$38/煲、泰式冬陰公米粉$18/碗等等，肯定啱鍾意食泰國嘢嘅你！
睇完咁多張相同文字，大家係咪已經好想去呢？不妨留意一下下面的資料。
一、港式燒烤
平日收費：成人 $100、小童／長者$80
假日收費：成人＄150、小童／長者$100
特別日子收費：成人$168、小童／長者$120
二、重慶串燒或韓國燒烤
平日收費：成人 $138、小童／長者$98
假日收費：成人＄168、小童／長者$118
特別日子收費：成人$198、小童／長者$138
註：（一）上述燒烤款式價錢均以4人起；
（二）「平日收費」適用於周一至周四、「假日收費」適用於周五、六、日及公眾假期，不過場館將在10月1日（國慶節）以「特別日子收費」標準收費；
（三）凡選擇任何一個燒烤款式，場館會收取$50開爐費；
（四）有意燒烤者敬請預早訂座，有關Whatsapp 訂座及電話查詢服務熱線為98026611，訂座及查詢服務時間為星期一至四下午2時至11時
（逢假期前夕及假日暫停）；
（五）在10月1日，Whatsapp 訂座及電話查詢服務會暫停；
（六）平日（星期一至五）營業時間為下午2時至凌晨12時，星期六、日及假期前夕營業時間為下午12時至凌晨2時，國慶日的營業時間即為後者。
地址：大埔汀角路17－29地段（汀角村對面）
Whatsapp 訂座及電話查詢號碼：98026611
資料及圖片來源：大美督嘉年華燒烤 BBQ Party Facebook專頁、大美督嘉年華燒烤BBQ Party 網站