【傑。斯與晴】小JM料理。清潤湯水｜竹蔗茅根馬蹄紅蘿蔔粟米湯

啱啱早幾日去完大阪旅行，

剛好遇上颱風，以致行程受阻，

但可幸嘅係大家都平安無事，

只係比預期延遲咗一日半先返到香港。

返到香港大家都真係攰到一個點，

所以趁住放假有時間就即時煲番個清潤嘅湯水俾大家滋潤下，

就算入秋都無有怕啦！

今次要煲嘅就係 － 竹蔗茅根馬蹄紅蘿蔔粟米湯

小提示：

竹蔗茅根都係屬性寒涼嘅，所以好多時都會使用兩者一齊煮成涼茶清熱。

竹蔗： 具有清熱、生津潤燥嘅作用

而且含多種維生素、氨基酸、鈣、磷、鐵

茅根： 有利尿功效

馬蹄： 含有粗纖維、粗蛋白、鈣、磷、鐵和維生素C，

有助清熱、涼血、利尿、通便、解毒、化痰

雖然以上幾樣都係屬寒性，但只要加入生薑、果皮一齊煲就可以平衡番，

變成性質溫和，適合一家大細飲用嘅湯水架啦！

中醫話孕媽媽飲咗有助紓緩孕吐添架。

材料：（一至四人份量）

竹蔗 2大條

茅根 一小束

馬蹄 10粒

粟米 1~2條

生薑 數片

紅蘿蔔 一個