【傑。斯與晴】小JM料理台。健康有營甜品。紫薯牛奶布甸
2018-02-20
做咗全職媽媽後雖然相對比返工忙咗,
除咗要照顧小JM日常起居飲食之外仲要處理家務,
所以下午茶時段必須要好好放空一下,
為自己同小JM預備健康又有營養嘅美食!
今次小JM媽就用咗紫薯來做下午茶俾小JM,
簡單又易上手,而且仲夠晒健康同營養豐富添!
紫薯嘅益處:
* 含有花青素,具抗氧功效及有助保護視力
* 有助保護肝臟
* 有效預防減低心血管疾病
* 調節腸道健康
【紫薯牛奶布甸】
材料:
日本紫薯 四至五件
牛奶 兩小盒
魚膠粉 三至四茶匙
*糖可按個人需要而落,整俾小JM食所以我無落。*
做法:
1.) 先取出紫薯,輕輕清洗一下
再將紫薯隔水蒸熟。
2.) 將已蒸熟嘅紫薯取出並去皮,
再以叉將紫薯輕壓成紫薯蓉,備用
3.) 先將牛奶加熱,再加入魚膠粉,
慢慢攪拌。
4.) 將已加入魚膠粉嘅牛奶加入紫薯蓉中,慢慢攪拌
牛奶遂漸會同紫薯混合,成為紫色牛奶
5.) 取出篩並放於另一大碗上,
將已混合嘅紫薯牛奶倒入篩中隔渣
隔渣後嘅紫薯牛奶會變得更順滑細緻
6.) 取出用以製作布甸嘅小膠樽,洗淨後即可將紫薯牛奶倒入樽內
7.) 將已入樽嘅紫薯牛奶蓋好,並放置於雪櫃內,待凝固即可食用
紫薯除咗可以用來整紫薯牛奶布甸之外,
其實仲可以減去魚膠粉以製成紫薯牛奶,大人同小朋友都一樣啱飲。
而小B們呢就可以整成一個個細嘅紫薯波來當小食添!
一樣食材就可以變出幾款食法,
你都一整來試下整俾小朋友食啦!
小JM都表示好食,收得貨。
仲唔俾人餵,要自己食咁話。