【鄭小B成長日記】潤肺補氣 增強體質 舒緩氣管 蟲草花虎乳靈芝湯
2018-11-04
天氣涼左又乾燥,除左鼻敏感及氣管敏感容易發作之外,抵抗力相對都會弱左⬇,容易感染傷風感冒,尤其係小朋友番學就更易感染,最好煲番啲潤肺補氣、增強體質嘅湯水。
今日就煲左個虎乳靈芝蟲草花湯,三口子飲用,益氣健脾,强壯肺氣,打好個底。
虎乳靈芝不屬靈芝科,係茯苓科真菌,藥味一啲都唔重,小朋友唔抗拒。小b飲左兩大碗!
虎乳靈芝: 止咳平喘、補益肺氣、增强肺的功能,有效針對氣管敏感、哮喘及小朋友抵抗力差問題。
蟲草花: 性質平和、不寒不燥,提高免疫能力
椰片: 潤肺養顏