【小小豬】體驗親子自家製薑餅人鬆餅
2016-12-02
小小豬仲乜笑得咁開心？從佢嘅HAPPY FACE可以睇得出佢係好有滿足感，認真講我都好耐冇見到小小豬發自內心嘅笑容，估唔到佢自己有份整嘅薑餅人鬆餅有咁大威力呀…哈哈哈~
自小小豬成為小學豬之後，令我最頭痛嘅就係為佢準備小食俾佢小息時食，平日多數係俾啲餅乾，唔知係咪食慣咗，小小豬竟然要求想要啲新款式。 午餐我已經唔可以為佢準備愛心飯盒，所以小息食物都要諗諗計滿足下佢先得，既要佢鍾意食又要得意吸引，都真係有丁點難度。
就喺呢個時候收到Friso送來嘅日本récolte 微笑鬆餅機，簡直係我嘅救星~ 
唔好睇佢機仔細細，只要簡單幾個步驟，唔使3分鐘就可以做到靚靚薑餅人鬆餅同埋美式鬆餅~
其實唔止可以整到薑餅人同美式鬆餅，還可以額外加配格仔餅、甜甜圈、微笑樣子同埋貝殼樣，咁又可以有好多唔同變化啦~ 
哈哈哈…既然有新玩意，等我就買齊材料，同小小豬嚟個親子廚房，體驗開心入廚啦！
原本都想攪攪新意思，不過小小豬實在太心急了，所以今次就先嚟簡簡單單買預拌粉、雞蛋同牛奶試下先啦~ 
首先插上電源，紅燈亮起表示烤盤預熱中~ 
呢個時候就開始準備粉漿，首先將一包預拌粉倒入碗中~
然後加入一隻雞蛋及100ML牛奶~ 
拌勻就可以準備整鬆餅啦~ 
預熱速度都好快，唔使3分鐘就完成，指示燈就會熄，呢個時候就就可以加入班戟粉漿。其實過程好簡單，就連小小豬都可以自己整呀~ 
不過…當然係同小小豬齊齊整，享受一下親子樂就更加開心啦~ 
蓋上鬆餅機再烘2分半鐘左右就完成，不過小小豬話想薑餅人多啲啡色，所以就烘3分鐘啦！
幾經努力，我哋嘅薑餅人家族出現啦~ 
小小豬睇見自己整啲薑餅人幾興奮~ 
不過我地嘅工作仲未完，因為要同啲薑餅人仔扮靚靚。我買咗顏色朱古力同糖霜等薑餅仔多啲顏色，食落都開心啲啦~
小小豬嘅製成品，雖然唔係好靚仔，不過全部都係出自佢自己手，所以嗰一份努力都係值得讚賞~
薑餅人鬆餅真係好可愛，加上自己有份整，小小豬食得特別開心。見佢咁鍾意我都已經化身成為一名慈母，呢幾朝都早啲起身，整俾小小豬帶返學同佢嘅好朋友分享。
小小豬仲叫我喺聖誕聯歡會當日整多啲薑餅人仔(仲指定要裝扮好靚靚)開PARTY齊齊分享呀！
詳請參閱以下連結：https://www.facebook.com/frisohk/photos/p.1149181475129947/1149181475129947/?type=3&theater
作者：小小豬的成長日誌
其他文章：【小小豬】雪梨麥冬無花果茶