【Grace Ng】學「 上奶秘笈 」 要奶有奶
2016-12-14
上期向各媽咪講解如何催乳，今期當然要講怎樣 上奶 啦！
經常有媽咪問：「食乜嘢才可以多啲奶？」其實，不是吃甚麼可以多啲奶；而是親餵或泵多啲，再配合每日充足睡眠、多飲湯水，自然就要奶有奶啦！唔明唔緊要，等我教大家「 上奶秘笈 」，看完各媽咪就會明白了！
上奶秘笈
1. 足夠的原材料
想要奶量充足，足夠水分不可或缺； 若果媽咪身體唔夠水，哪何來有水分造乳？故此，媽咪們每天最少要補充 12杯水，每杯要有 250毫升。
亦要有足夠的蛋白質、碳水化合物和脂肪等營養，故哺乳期間，媽咪們不要節食減肥。而一些發奶食物好似豬手、豬腳、魚湯、豆腐、芝麻、金針菜等，都對增加奶量好有幫助。
2. 正確餵哺姿勢
不正確的餵哺姿勢，會令媽咪乳頭出現損傷，從而令奶水減少。
3. 持續餵哺/泵出
乳房是很奇妙的，有出才會製造；故此，要多餵哺，自然奶量足。
4. 充足休息
休息不足，身體自然沒足夠能量造乳。
5. 保持心境開朗
媽咪經常不開心，就算吃得多有營養，都會防礙營養吸收，從而影響造乳，故此，產婦要經常保持心情愉快。
明白了以上的「上級秘笈」後，產婦若想成功上奶，是要每項都做到，否則缺少當中任何一項，都會直接影響奶量的。
此外，雖然話坐用飯菜千篇一律，難免令到產婦覺得吃是種折磨，從而影響心情，其實坐月都可以吃得精采。今日就教大家一個好好的上奶湯水：
上奶湯
材料
1. 絲瓜絡 半両
2. 王不留行 半両（見圖）
3. 佛手 半両
4. 薑 2片
5. 葱白 5棵
6. 豬腳 1隻
做法
1. 將材料 1 及 3 洗淨後，用8碗水浸半小時，再煲滾備用。
2. 將豬腳洗淨出水，再洗淨豬腳放入已煲滾的藥材湯內。
3. 將薑及葱白一拼放入煲內，大火煲15分鐘，再轉中小火煲至餘2碗水，加少許鹽調味。
**水量提士：8碗水煲餘2碗，分2次飲。
作者：Grace Ng
網上圖片
相關文章：