【小小豬】消暑之選 百合麥冬太子蔘茶

小小豬每星期學琴嘅45分鐘，就係我去偷師嘅好時機見。因為每次我都會去賣開煲湯材料嘅小店行一轉，睇下入啲咩貨嚟煲涼茶靚水湯時，老板娘都會同我傾計，有時仲袋錢入我袋(即係教我煲咩正湯)。

尋日同老板娘又教我煲一款新涼茶，佢話好啱依家踏入「立夏」嘅節氣飲，飲完之後人都冇咁忟忟憎憎，仲可以消暑安神添。我當然即刻買返包材料包試煲俾兩位老細飲啦！

百合養陰潤肺止咳，清心安神；麥冬養陰潤肺、益胃生津、清心除煩；太子蔘治氣虛肺燥，補脾土，消水腫，化痰止渴。(網上資料)

材料就有百合、麥冬、太子蔘各一兩(一兩=37.8g) 同埋糖冬瓜適量，所有材料加埋大約都係$30，所以唔好以為聽到有”蔘”就一定會貴呀

~

所有藥材浸洗~

糖冬瓜就因應個人口味，我用左大約20條左右啦~