【小恩子】8件我希望在分娩前已經知道嘅事
2018-01-17
做父母已經係有勇氣同偉大的行為，唔好執著係唔係全人奶同補奶粉，健康是看體質的。
唔好討厭佢坐月自己同BB係咁喊，因為人生可以起身盡情喊嘅就只有呢個時期，隨心啦，就當係人生一個放任期。
如果可以，我會每星期有一日完全放手俾老人家湊，俾佢哋搵番我細個嘅時候嘅遺憾，俾小朋友有完全被寵愛嘅感覺，回頭睇，有老人家寵的小孩很幸福。
坐月期間其他人俾的意見，其實都只係意見，唔需要跟人，無工人唔會死，小朋友唔一齊瞓唔會自閉的，你才是你，仔女都係你的。
同老公嘅關係先係最重要，佢同你一樣都係新手，佢愛你，所以以你為出發，佢都唔想粗心大意湊小朋友，因為你愛佢是因為佢只懂照顧你。
可以同另一半學習湊小朋友是開心事，體諒對方令事情更順利進行的機會，比起發癲嘅好得多。
計劃可唔可以全職湊，別讓自己後悔，時間其實好快過，去到識行識走先返工，其實唔會影響好大。
生完之後嘅走樣唔使介意，因為你唔生歲月其實都會催人老的。
Contact: kathykycheung@gmail.com
作者：小恩子的港女生活