【柯豬媽媽】收費定免費打流感針？爸爸媽媽上網Check清楚先！

流感針你打咗未？

上年9月因為擔心柯豬開始返學，接觸人多會易感染流感，就想喺開學前去打流感針，問了相熟的診所先知道原來流感針唔係你想打就有得打。每年流行的流感病毒都不同(季節性流感)， 所以每年疫苗的成分都不一樣。當時我想打的16/17年度疫苗早已經無晒，要等新一季17/18年度的疫苗到貨先可以注射。當等到新疫苗出咗，無奈兩個女兒輪流發燒感冒，有病不適合打針。如是者等咗四個月，剛剛星期二終於決定帶兩姐妹柯豬和些莉去打流感針，即打電話去診所詢問，omg，頭4間都已經缺貨或者得番最後1劑。我哋繼續問下去，好好彩揾到仍然有足夠貨源的醫務所，立刻飛車去登記！