【港式執媽】妊娠期貧血的成因和改善方法

懷孕期間，有冇發現好容易氣喘呀？
好似執媽本身咁健康、血紅素就嚟超標嘅人，
都會因為懷孕而突然變得易暈、氣喘、面青青！
除咗因爲本身成日作嘔作悶、搞到面青唇白之外，
最主要原因係haemodilution！即係負責運送氧氣嘅紅血球「被溝淡」咗！

同香港情況一樣：香港人=紅血球；
每日150個拎香港身分證嘅外地人=血容積（身體total血量）。
懷孕期間，「紅血球」會增加，但係係以相對正常嘅速度增加；
「血容積」就好似外地人湧入一樣、比紅血球嘅增長速度快好多，造成「溝淡咗」紅血球嘅情況，令媽媽好似貧血咁、唔夠紅血球帶氧，搞到氣喘頭暈！嚴重嘅仲會影響BB發育，有機會導致胎內發育遲緩（intrauterine growth retardation)、早產、增加產程失血引致產後貧血風險。