【hailiah媽媽爸爸Diary】2016年12月有個媽媽等生女之催生實錄

1.人手穿羊手

食過一個無米粥水嘅早餐，到咗催生嘅早上，等到九點到，有兩個姑娘拎住啲工具同我人手穿水原來check 羊水嗰下都係微不足道咋！結果隊咗啲工具入面”卟”一聲，啲水係咁流，有個藍色兜

2.落催生藥啦

跟住大概早上十點左右，有姑娘幫我種豆落催生藥啦，拮落嚟嗰下我手都唔知有幾痛啦！只係想快啲生！無幾耐喺探病時間老公同婆婆都嚟睇我，我見隔離有個南亞媽媽同我一樣時間落催生藥吖，佢已經痛到嗌到成個病房都聽到！我都開始好緊張啦⋯⋯

等到1點左右，飯一樣唔俾食水一樣唔俾飲，因為催生緊唔可以飲水食嘢跟住就推咗我入去產房，唔俾玩電話姑娘話要落重啲催生藥啦。