【Hey 魚B之日常】東區醫院生產記
2019-04-16
上一篇講到孕後期先話魚B胎位不正同埋中咗B型鏈球菌，係安慰自己到時先算嘅第2日….
2月7號，好似河馬嘅我好論盡咁喺晚上同屋企人食咗團年飯(因為隨時生，所以提早一齊食)
返到屋企仲執咗陣走佬袋嘅嘢..就去沖涼洗頭…
沖完涼一熄水，一踩落個地墊..我聽到「卜」一聲…
我即刻大嗌魚爸，佢走入嚟，我話好似穿咗水呀！！
著番衫，入房吹頭，仲諗緊會唔會好似上次咁呢「食詐糊」以為穿咗水，入到去又內診又開鉗(驚)
我好細動作咁吹埋個頭..想去次小便用試紙CHECK吓先..
拎好小便樽準備小便嘅時候..又「卜」一聲..個小便樽已經裝咗好多好混濁嘅水…
魚爸拎到試紙入嚟，我話唔使啦，穿咗，幫我CALL白車…
嗰陣我除咗穿水，一D痛都無..慢慢換好衫我就坐定定等白車嚟..