【和牛b的成長日記】二寶孕記︳清胎毒時間到 | 清胎毒湯水 x 減低濕疹風險

好多時都會聽到人講，你「清胎毒」未呀？ 如果今胎係第一胎嘅你，等我分享一下咩係「清胎毒」啦，而作用又係乜嘢？

胎毒其實係孕婦懷孕期間吸收到嘅毒，例如﹕飲食唔節制、食煎炸肥膩、過度滋補、脾氣暴躁、肝火旺盛，都有機會導致母親內熱過重，將「毒」傳俾BB，造成胎毒。

而胎毒又會對BB產生咩唔好嘅反應呢？ 例如﹕嬰幼兒出現濕疹、過敏性皮炎、皮膚出現瘡癤等等。

陀二寶嘅我，自己同先生本身有鼻敏感。上胎清胎毒清得唔夠，所以和牛B的確患有濕疹問題。 到而家濕疹，仍然一直纏繞住和牛B……都真係好苦惱﹗