【Timtam仔成長日誌】生仔後才懂的二三事

2020-04-24


生仔係好自然的事,相信好多人都會咁唸,尤其是餵人奶,唸住有胸部自然就會餵到!很多關於生仔的二三事,「自自然然」就會做到係我生仔前好天真的想法,亦冇人話我知原來「自然做到」背後其實經歷咗幾多辛酸、幾多堅持先會做到!

懷了第二胎,我又重走一次懷孕之路,在第二胎的媽媽谷認識很多新手準媽媽,想起自己成為媽媽已經兩年多,回望當初作為媽媽時的經歷,希望總結一些生仔後「如果當初有人早啲話我知就好喇」的二三事,希望幫到各準媽媽一些心理準備! 當然每個人走的路都不同,不過有過來人事先話定邊到有捷徑,邊到有沿崖,自己袋定法寶有兩手準備,遇到困難時就不會徬徨無助!

  

1. 想順產生唔係由你話事

記得我懷Timtam仔時,最令我苦惱是選擇順產還是開刀!其實自己一直想開刀生,但自從係youtube睇過開刀生產過程,被人切開個肚的情景太震撼,最後就決定順產生!

之後我就做很多運動,行路、行路梯、做孕婦yoga,準備好身心理準備要順產生,結果我穿水催生捱了12小時陣痛後,最後因為Timtam仔心跳急跌而要緊急開刀!

一些朋友都唸住順產生,結果都因為種種原因最後都要開刀,如BB唔轉頭、或有妊娠糖尿問題,有朋友一直有做運動,一心唸住自己順產生完全冇問題,最後都係跟我一樣食咗全餐!

所以要順產生的話也不一定最後能如願,臨時會有很多變數,最緊要聽醫生指示,選擇一個最安全的方法生,只要媽媽同BB都能平安就好!所以就算決定順產生,都要有開刀生的心理準備!

  

2. 餵人奶唔係自自然然就餵到

我一直都以為,餵人奶咁自然的事一定會餵到!又唸住自己乳房都有些斤兩,餵人奶應該冇問題吧!

結果當然係我太天真!唔係話要奶就一定俾到足夠俾BB,每個媽媽體質不同,真係冇奶時用盡方法都係冇!又因為BB初初學習啜食人奶,好容易就會啜損乳頭,加上塞奶、石頭胸等問題,會令媽媽痛到入心,母乳路係一條崎嶇之路,一定要有披荊斬棘的戰鬥心!

當然每個媽媽都有自己的選擇,餵到就餵,餵唔到就餵奶粉吧!唔好用人奶奶粉嚟定義自己係咪好媽媽,人奶媽奶粉媽都係好媽媽,最緊要媽媽有好的心理質素去照顧BB!照顧初生BB已經夠辛苦,何況你我大部分都應該是食奶粉長大的,現在一樣健健康康!奶的問題就隨遇而安吧!
  

熱門文章

23週早產嬰僅有超人公仔大 每年生日與公仔合照見證奇蹟
10-26
【新手爸爸】當男人成為爸爸後的10個窩心舉動|家有小怪獸
10-23
媽媽分享:初生女兒患癌離世 哥哥不捨為妹妹扶靈抬棺
10-26
【放空心靈】等待出走|王思慧
10-19
【改BB名必睇】2020年20個 最受歡迎BB英文名揭盅
10-25

20週胎兒因病令肺部無法成長 孕婦為免兒子受苦選擇墮胎 我不是壞人 我只是失去兒子的媽媽
2020-10-24
懷孕禁忌 │孕婦可以泡腳嗎?(李韡玲)
2020-10-23
【懷孕期間】兩度流啡出血(下)(28-29 weeks)︳80後新手飛行媽媽
2020-10-14
【懷孕經歷】懷孕期間 兩度流啡出血(上) (28-29 weeks)│80後新手飛行媽媽
2020-10-06
【懷孕初期】頭暈頭痛 抑鬱無胃口2個月│80後新手飛行媽媽
2020-10-06
【網上BB.孕婦嘉年華】解答懷孕、生B、湊B疑難 集合精選產品禮遇
2020-09-30
查看更多   ▸