兒童疾病 | 鼻敏感與感冒分別 食療+按摩+天灸 |中醫爸B
2021-09-28
送咗個囡返學，唔夠1個鐘，先生打來話叫家長接走，你個囡同其他2個同學係咁打乞嗤，又有流鼻水，你快啲去帶佢睇醫生好啊！Well！ 佢日日都睇我，好肯定佢冇感冒！ 不過，太太接咗囡就去咗睇開的專科兒科醫生到。
當然，醫生話「咦！來咗我到咁耐都冇乞嗤，又冇流鼻水；佢無發炎，口嚨、耳仔、鼻鼻都冇紅；我最好開隻收鼻水的藥水比你，寫返張醫生證明比你比學校。」其實，阿囡遺傳咗我的敏感體質，一熱一凍就會流鼻水，佢個朝啱啱PE 堂，做完運動立即就入冷氣課室，所以，就有乞嗤同流鼻水。環境溫度穩定咗，乞嗤同流鼻水就會停。我明白學校擔心集體上呼吸道感染，因為3個以上，有機會強檢及停學。
分辦「鼻敏感」定「感冒」？
鼻敏感： 以連續打噴嚏、流鼻水、鼻塞、鼻癢為主要特徵。
感冒： 除打噴嚏及流鼻水，也會喉痛、頭痛、咳嗽、精神疲倦或肌肉酸痛等。
鼻敏感患者常使用噴藥進鼻腔或服用抗敏藥來紓解症狀，不過，停藥後，流鼻水、打噴嚏、鼻塞等症狀又出現，久而久之，一般認為鼻敏感是很難治愈。中醫認為治鼻敏感病本在脾、病標在肺，所以要改善鼻敏感症狀可從健脾益肺入手。中醫在辨證論治指導下，採用方藥達致溫肺固表之功效，強化「肺氣」，令津液受攝，不再胡亂流出鼻竅，就是從體質方面治療鼻敏感。患者常使用噴藥進鼻腔或服用抗敏藥來紓解症狀，不過，停止噴藥或停吃抗敏藥後，流鼻水、打噴嚏、鼻塞等症狀又出現，久而久之，大家都會認為鼻敏感是很難治愈。
中醫將鼻敏感分為3大症型：肺虛、脾虛、腎虛等；治鼻敏感病本在脾、病標在肺，所以要改善鼻敏感症狀可從健脾益肺入手。
家居食療及舒緩方法
1.紫淮山蟲草飯
功效：蟲草 – 養腎納氣；紫淮山 – 花青素補脾
材料：蟲草5-6條、紫淮山粉1茶匙，加強口感可落新鮮紫谁山粒。
2.5半米（找不到新鮮，用紫谁山粉也可以）
做法：非常簡單，將所有乾淨材料用飯煲煮熟就可。
2.黃耆防風湯(益肺)
材料：炙黃耆15克、炒白朮12克、防風12克、生薑2片、大枣3枚、豬1條
做法：所有材料先浸20分鐘，豬出水，將所有材料滾1小時，便可。
3.通鼻香包
材料: 蒼耳子(炒) 、 鵝不食草 、 白芷 、薄荷
做法：所有材料先洗淨，烘乾搗碎入袋便可。
蒼耳子味辛性溫，藥入肺經，有怯風散寒除濕通竅的作用。鵝不食草，治頂痛目病，通鼻氣而落瘜肉。
用法：每天早上起床及晚上睡覺前用力吸10次。
按摩舒緩
按摩印堂穴及迎香穴，進行持續上下推按的動作，每次維持約5至6秒，有助恢復呼吸通順。
天灸療法
根據中醫學「天人合一」及「冬病夏治」的理論，改善鼻敏感及治療體虛、易感冒、哮喘及慢性支氣管炎等慢性病患者的病情。天灸不適合2歲以下幼兒使用。
生活注意
- 以熱粥暖飯的米氣來養脾胃
- 戒除生冷及寒涼的食物，如苦瓜、白菜、刺身、汽水及雪糕等，
- 減少進食過於燥熱的食物，
- 因應季節及可飲用健脾化濕或補肺的湯水
- 只要配合飲食習慣，鼻敏感不難痊癒。如病情較嚴重或複雜，建議需通過中醫四診合參，以制訂長遠方針。
吸收咗教訓，唔敢夜瞓、唔敢夜晚食忌廉、更加唔敢入冷氣唔著外套都係一件好事。小朋友成長關鍵是食得、瞓得，不再脾虛腎虛，有助長高長肉。
作者：中醫爸B
相關閱讀：