長期居家抗疫 缺乏維他命D引致O形腳 或形成佝僂病
2022-06-02
如果大家有考過香港中學會考biology，應該記得有一部份講消化系統，當中有些簡單的營養知識要考，就是「缺乏營養素所引致的疾病」—— 缺乏維他命A會引致night blindness夜盲症，缺乏維他命C會引致scurvy壞血病，缺乏 維他命D 會引致ricket佝僂病⋯⋯ 相信理科人都背過。
不過現實中這麼多年來，我和營養師同事都無見過以上病症。但終於上個星期在兒科病房，見識到ricket！簡直是營養師生涯其中一個解鎖亦某程度上反映疫情下長期居家抗疫的影響。
事主只是20多個月大的小朋友，由骨科轉介去兒科病房，轉介原因是「bow legs」！
（見圖，並非事主）圖片授權：營養師糖果媽媽 ‧ 從香港到英國
醫生問history發現，南亞睿的小朋友在一年前移居香港，香港爆發疫情，所以過去一年都極少出街。抽血檢查時，發現肝酵素高，血鈣含量低，加上出現雙腳骨頭彎曲變形的典型ricket病徵，種種跡象與長期缺乏維他命D吻合。醫生的診斷是Ricket？metabolic bone disease？vitamin D deficiency？醫生安排抽血檢查維他命D (不過結果要幾個星期才有），處方高劑量維他命D補充劑，並轉介營養師評估。
圖片授權：營養師糖果媽媽 ‧ 從香港到英國
其實維他命D主要靠曬太陽，令皮膚自行製造，含有豐富維他命D嘅食物並不多，不過我都幫小朋友仔細評估一下。以為這位小朋友好瘦弱或者營養不良？原來小妹妹好有肉地，身高體重都排97生長線。佢食足三餐加小食，份量合乎年紀，自細飲用母乳（可惜母乳的維他命D含量低*），不喜歡吃維他命D豐富的食物（例如蛋黃、深海魚、奶類製品）。
在兒科病房「缺乏維他命D」的個案一年都有幾個，但演化到變ricket就真的罕見！長期嚴重缺乏維他命D，令骨頭變得柔軟脆弱甚至變形，才會出現罕有嘅佝僂病Ricket。
我向該位病人的家長建議多選擇豐富維他命D同鈣質的食物，提議了一些吸引小朋友的食物配搭和煮法，最最最重要係是每日帶小朋友出去曬太陽，15分鐘令身體製造維他命D。
其實即使在疫情前，近十年本地很多研究都指出不同年齡人士都有維他命D缺乏的情況。我與同事傾談間都覺得，這兩年疫情應該會令情況加劇。在此建議所有父母和小朋友，趁現在疫情緩和，唔好再匿埋喺屋企喇，每日都要出去曬曬太陽。
解釋多少少
母乳營養全面，可惜母乳維他命D含量低，每公升只有25IU，不過在太陽充足的地方，透過曬太陽應該可以彌補呢一點。至於緯度高的地方例如歐美國家，衛生當局就會建議全母乳餵哺的嬰兒需要每日補充400 IU 維他命D。
作者： 註冊營養師糖果媽媽
文章及圖片授權：營養師糖果媽媽 ‧ 從香港到英國
其他文章：