買蛋糕驚見士多啤梨發霉 港媽崩潰：最慘我女睇唔到食咗少少先發現

進食發霉食物，後果可大可小。屯門一名女子近日在區內一間麵包店購買一個朱古力蛋糕，其女兒食了一口後，發現蛋糕上的士多啤梨竟然發霉，擔心會影響女兒健康，遂於網上發文提醒街坊要多加注意。

一名港媽於（5月31日）在facebook群組「中伏飲食報料區」發文，指當晚8時在屯門何福堂輕鐵站附近一間麵包店購買蛋糕，回家後女兒進食一口後，竟發現蛋糕上的士多啤梨布滿青綠色的霉菌，大為震驚，「晚上8點買完回家，8點30分發現，回去已關門無得追究。最慘我女睇唔到，食咗少少才發現。」

根據港媽上傳的相片所見，她購買的朱古力蛋糕，上面放有藍莓及被切開的士多啤梨，至少有兩枚被切開的士多啤梨布滿青綠色霉菌。

^港媽指女兒「食咗少少」才發現蛋糕上的士多啤梨發霉。facebook群組「中伏飲食報料區」圖片

^蛋糕上的士多啤梨佈滿霉菌。facebook群組「中伏飲食報料區」圖片

帖文引來一眾網民熱烈討論，其中有人認為近日天氣炎熱，士多啤梨容易發霉，認為港媽可以先將蛋糕「雪起」，翌日再將蛋糕拿回店鋪說明情況，以求解決方法，「我諗人哋又唔係特登賣一個發霉蛋糕俾你嘅」、「同返間鋪講聲，我諗佢哋都會唔好意思，會畀返個歉意你」、「呢排又熱又濕又落雨咁，真係會易發霉，試下拎返去睇下佢點處理先」。

不過，亦有網民認為士多啤梨發霉情況嚴重，相信已存放多日及不新鮮，提醒港媽可向食環署投訴跟進，「Call食環好過，個蛋糕一定放咗好耐先會咁樣」、「唔應該出現呢個問題！除非係琴日嘅貨！」、「睇個樣都發咗好耐霉，唔係一時三刻做得到」。

事後港媽就此事致電食環署投訴熱線，惟撥打電話近1小時仍未有人接聽，只好在群組發帖提醒街坊多加小心，「唔緊要喇都成過去，出post係提提屯門牛大家小心」。

^蛋糕上的士多啤梨佈滿霉菌。facebook群組「中伏飲食報料區」圖片

頭條日報授權轉載