眼睛健康｜開學發現全班都戴眼鏡 港媽嘆網課傷視力 內附預防＋按摩方法

^示意圖:K8@unsplash

正式開學了，相信唔少學生和家長都期待這天很耐了！有無留意到身邊嘅同學仔有無高了，外表不同了？一名港媽在網上發文，指仔仔第一日返學，她發現很多同學都戴上眼鏡，感嘆「網課上太多真係好傷視力」。

港媽在網上討論區以「開學日 全班同學都戴眼鏡」為題出post，她表示大仔今年升中三，開學日返學時發現全班25位同學都戴眼鏡，之前班中仍有3-4位同學正常嘅，感嘆「網課上太多真係好傷視力，（全班）結果都近視埋，全班都淪陷」，而且本身以為仔仔500度近視已經好深，沒想到班中有同學比仔仔更深近視。

疫情下學生多了上網課（示意圖）

有網民表示疫情下，學生多了上網課，「唔近視都變近視」、「疫情下網課+無咩戶外活動出去望吓遠野」、「老老實實，係網課+打機」、「好細個就接觸電子產品」，有網民提出孩子近視太深，可以考慮戴OK鏡（角膜矯形鏡），每晚戴上鏡片睡覺，好處是早上不用戴眼鏡，不過有人提出戴OK鏡要有足夠的睡眠時間，現時孩子很難做到，減少他們睇電子產品和多望遠物更好。

近視成因

據衛生署資料顯示，近視可有多種成因，其中兩種為遺傳及環境因素，研究顯示近距離的活動 （如閱讀、寫作和使用電子屏幕）是一個非常重要的環境因素。 在香港近視很常見的，在6歲的學童中，約有18%患有近視，12 歲 時比率急升約62% 。遺傳因素雖不可改變，但養成良好習慣，有助保障視力。除了以下注意事項，大家都可以多按摩眼周肌肉，幫助放鬆，大家可將大拇指彎取輕輕按壓眼睛四周的各穴位。

相關文章：眼睛健康 | 兒童iPad 症狀：假性近視 ｜中醫爸B

來源：衛生署