Juicy叮｜天眼直擊沙膽大媽偷集運貨件 蹲店外滋悠揀貨 擸完又擸
2022-11-16
「雙11」購物節結束，網民訂購的集運貨件近日如潮湧入，網絡瘋傳一段影片見近日有大媽在商場集運店外流連，伺機偷取擺放在店鋪門外的集運貨件，影片看到這位沙膽大媽在大庭廣眾下，蹲店外「滋悠」揀貨，無懼被發現，擸完一件後竟又折回再擸，非常猖狂。
樓主在屯門友FB專頁發布偷竊影片，樓主指事發時間為本周一(14日)晚上，地店在屯門悅湖商場一間集運店鋪外，影片看到店外堆放大量集運貨件，未有人看守，而店外不時見行人路過。
影片全長約44秒，開頭看到一名大媽在門外徘徊，未幾即半蹲身揀選貨件，其後更索性蹲下慢慢揀貨。大媽最後取走了一件集運貨件後，走開未夠數秒，似意猶未盡折回再取多一件。有網民質疑影片中的大媽可能是取回自己的訂貨，但樓主即表示，大媽正正是偷走了他的貨件，影片是鋪頭給他作證明，「佢就係偷咗件我(嘅)貨，片係鋪頭畀我。」
-
- 一名大媽在集運店鋪門外徘徊。
-
- 大媽先在集運店鋪門外視察貨件。
-
- 大媽先在集運店鋪門外視察貨件。
-
- 大媽未幾即半蹲身揀選貨件，其後更索性蹲下慢慢揀貨。
-
- 大媽未幾即半蹲身揀選貨件，其後更索性蹲下慢慢揀貨。
-
- 大媽蹲下慢慢揀貨，無懼路人行過。
-
- 大媽蹲下慢慢揀貨。
-
- 大媽逐件貨件拿起察看。
-
- 大媽拿走了一件貨物。
-
- 大媽拿走了一件貨物。
-
- 再蹲下取走另一件貨。
-
- 行了一會兒，即折返。
不少網民呼籲樓主報警處理，有網民形容大媽的偷竊行為如「抽盲盒咁」、「佢唔係淘寶，係尋寶及執到寶」、「乜而家偷嘢進化到可以返轉頭再揀過架？」「好過份」、「好得人驚」，部分網民關注集運公司隨意將貨物擺放店外：「集運倉將d貨就咁放門口，又無人睇實，問題都好大！」「無位擺入鋪頭就唔好做啦，引人犯罪咪呢啲。」網民相信在CCTV協助下，有關大媽將難逃法網：「報警未？有影片又周街cctv，有心查實搵到疑犯。」「好易捉到。」
獲星島日報授權轉載
其他閱讀：
