Juicy叮|天眼直擊沙膽大媽偷集運貨件 蹲店外滋悠揀貨 擸完又擸
2022-11-16
「雙11」購物節結束,網民訂購的集運貨件近日如潮湧入,網絡瘋傳一段影片見近日有大媽在商場集運店外流連,伺機偷取擺放在店鋪門外的集運貨件,影片看到這位沙膽大媽在大庭廣眾下,蹲店外「滋悠」揀貨,無懼被發現,擸完一件後竟又折回再擸,非常猖狂。
樓主在屯門友FB專頁發布偷竊影片,樓主指事發時間為本周一(14日)晚上,地店在屯門悅湖商場一間集運店鋪外,影片看到店外堆放大量集運貨件,未有人看守,而店外不時見行人路過。
影片全長約44秒,開頭看到一名大媽在門外徘徊,未幾即半蹲身揀選貨件,其後更索性蹲下慢慢揀貨。大媽最後取走了一件集運貨件後,走開未夠數秒,似意猶未盡折回再取多一件。有網民質疑影片中的大媽可能是取回自己的訂貨,但樓主即表示,大媽正正是偷走了他的貨件,影片是鋪頭給他作證明,「佢就係偷咗件我(嘅)貨,片係鋪頭畀我。」
不少網民呼籲樓主報警處理,有網民形容大媽的偷竊行為如「抽盲盒咁」、「佢唔係淘寶,係尋寶及執到寶」、「乜而家偷嘢進化到可以返轉頭再揀過架?」「好過份」、「好得人驚」,部分網民關注集運公司隨意將貨物擺放店外:「集運倉將d貨就咁放門口,又無人睇實,問題都好大!」「無位擺入鋪頭就唔好做啦,引人犯罪咪呢啲。」網民相信在CCTV協助下,有關大媽將難逃法網:「報警未?有影片又周街cctv,有心查實搵到疑犯。」「好易捉到。」
獲星島日報授權轉載
其他閱讀: