對小朋友的學習及運動能力更重要的動態及運動視能│江志榮博士 │兒童視力

動態運動視能│ 一般人普遍認為擁有正常清晰嘅靜態視力(20/20 視敏度 Visual Acuity)， 即係眼鏡店驗光，你坐定定喺驗眼櫈，跟住視光師問你睇唔睇到遠處視力表上面都幾細嗰一行白底黑字，就代表無問題。睇得清當然重要，但係其實都只係反映眼睛最基本嘅功能及格。

如果你再細心思考，眼睛作為我哋接收外界訊息嘅最重要器官，面對瞬息萬變嘅世界，正常清晰嘅靜態視力真係已經足夠？

我們嘅視覺其實絕對唔只係前文提嘅靜態視力，而係處理至少80%外部信息嘅主要感觀！這些感觀嘅整合就統稱為動態及運動視能，對我們日常生活以至學習及運動可能更加重要，例如喺意外發生嘅時候，擁有良好嘅動態及運動視能，會令你更加迅速反應行動，分分鐘可以救你一命！