方力申 升級人父 太太葉萱順產誕女 B女Isla似迷你版方力申

方力申 在今年情人節宣布與拍拖兩年多的女友葉萱（Maple）結婚，到了父親節又公布太太懷孕喜訊，女兒預計今年年底出世。今日上午，方力申發布影片，指愛女Isla已順利出世，母女平安。

方力申太太入住港怡醫院

方力申今日在社交平台上載陪產影片報喜，指原本12日才是太太預產期，「但係囡囡Isla太心急想見我哋」。BB早幾日已出世。葉萱入住港怡醫院私家病房，從片段中可見環境十分舒適，有獨立衛生間、會客區、小花園，採光十足。方力申更笑言兩個「走佬袋」都有奧運logo，或許囡囡大個都會參加奧運！方力申又指太太臨產前心情緊張，形容是好似準備玩過山車一樣，「一路好期待、好想玩，終於等到自己的時候就開始緊張，究竟是未好驚？過山車有冇危險？」

方力申 愛女Isla順利降生

葉萱選擇順產兼打無痛分娩針，生產過程一切順利，好爸爸方力申全程陪產，又親手剪臍帶，而BB出世時有少少發燒，但當晚已退燒。方力申更主動同BB做skin to skin，露出幸福笑容。葉萱母女平安，目前已經出院。方力申指BB「個樣日日都喺度變」，但網民留言表示似足迷你版方力申，十分精靈可愛！

最後，方力申指太太婚後有意生4個，到懷孕期間太辛苦決定只生2個，今次生產過程得到醫護的悉心照顧，又認為可考慮生3個。升級為人父的方力申回應：「第四個等我遲啲再爭取，我哋一兩年後再見」，不知道會否是二胎預告？

來源：FB@Alex Fong 方力申

其他文章：

方力申 曬溫馨孕照輕吻老婆巨肚 怕醜被打僅貼一張靚相

黎諾懿兩子「四手聯彈」小春雞未受弟弟亂彈影響 展示高專注+EQ

即登記成為Oh!爸媽會員，或加入Whatsapp媽媽谷，緊貼第一手親子資訊。