【小小豬】合掌瓜淮山薏米豬骨湯
2017-07-11
夏天瓜果當造,所以街市都特別多又大又靚嘅瓜買。正所謂不時不食,就連煲湯都係一樣,夏天就當然煲多啲瓜果湯,行街市見到啲合掌瓜又平又靚,咁就煲過合掌瓜淮山薏米豬骨湯啦!
依個湯除咗有助疏肝理氣,仲可以消滯兼增加進食胃口,夏天炎熱,唔好話小小豬,就連我自己都冇乜胃口食嘢,所以就煲啖湯飲吓都幾好呀!
材料:合掌瓜三個、生薏米、淮山、茨實各一兩、蜜棗四粒、豬骨$35~
啖湯味道都好清甜,我家兩位老細都讚口不絕,每人都飲咗三大碗都未夠,小小豬仲叫我快啲再煲俾佢再飲添…哈哈哈。只要佢哋鍾意飲,我當然非常樂意,因為佢哋賞面就即係我嘅動力來源嘛!
溫馨提示: 由於個別人仕體質不同,所以大家記得煲之前了解下自己,如有疑問,請先向註冊中醫查詢!
作者:小小豬的成長日誌
相關文章:【酷熱天氣警告】嚴選10大消暑湯水推介