【湊仔爸與返工媽】放手，說易行難

阿豬媽常說「放手放手，信孩子信孩子」：說是容易，但當身在其中，又發現自己骨子裏仍是一個愛喃嘸喃嘸的阿媽。

星期六趁未打風，一家去南生圍走走。我們沒有明確目標，只隨便挑了一間農家菜，打算吃飯後繼續深入南生圍。誰知，原來那家農家菜本身有羊有龜有魚塘有農場，麻雀雖小五臟俱全，阿豬在那裏已玩得很開心。

魚塘中央有條用鐵網和膠桶搭建的浮橋，我拖實阿豬小心翼翼的走上去。每踏一步，浮橋就輕輕沉一沉，阿豬覺得很刺激。

走到一個位，阿豬鬆開我手，表示要自己行：

「我會好小心，唔會跌落水㗎！」阿豬向我派定心丸。
「唔好啦，都係拖住啦。」路面不平，加上我今天穿了新衫新鞋，不打算下水救人。
「我自己行得㗎喇！」阿豬堅持。
「唉，你由得佢自己行啦……」跟在後面的阿豬爸終於飄出一句。

然後，阿豬媽就緊緊跟在阿豬後面。阿豬稍稍貼左行，我就在左邊伸手「旁住」；忽然貼右，我又閃去右邊，勞動程度跟跳鄭多燕沒大分別。同時，我聽到阿豬爸在後面笑我：「乜你咁樣唔係仲危險咩。」

事後回想，以那條橋的闊度，及阿豬走路的小心程度（他確實有留意路面不平），我這樣旁來旁去確實多此一舉，頂多走近一點standby已足夠。

可能，幻想孩子發生意外就是媽媽的特質吧。要放手，就要好好按捺自己的幻想。

上岸了，阿豬洋洋自得，還跟我們說：「嗱，呢度唔平㗎，小心呀吓～～」明顯很滿意自己的表現。

「媽咪，我冇跌落水喎。」阿豬最後不忘向我示威。

 放手，說易行難，但確實是讓孩子（和家長）更了解自己能力的起步點。看著阿豬自己四平八穩的走在浮橋上，還叮囑我們兩老小心，又有一點點不捨得他長大了。

撰文：阿豬媽＠湊仔爸與返工媽

相關文章：

【湊仔爸與返工媽】媽咪，你忙完未？ 　　　

【湊仔爸與返工媽】你今日得閒咗未？