疫下旅行|三步提升免疫力防中招|註冊營養師 Jim Lau

2022-12-08


又到咗旅行高峰期,大家都開始準備去唔同嘅目的地,我哋中心統計大概有12%顧客會喺未來嘅時間去唔同嘅目的地。
咁當然日本係首選啦,但係好多朋友仔都會好擔心去旅行時會中招,其實只要預備好免疫力、出發前打齊疫苗同做好個人衛生,就可以減低感染風險!
今日教大家三步,等大家去旅行之前可以提升免疫力!

出發前一星期

補充足夠含有雙歧桿菌嘅益生菌同埋益生元

-大部份嘅免疫力細胞其實都係處於我哋嘅腸胃入邊,只要我哋改善腸胃嘅免疫力就可以提升我哋整體呼吸道免疫力,如果要提升免疫力嘅話一定要揀有雙歧桿菌嘅益生菌,因為好多研究都發現雙歧桿菌可以改善腸胃同呼吸道免疫力!

仲有就係要補充益生元,例如beta葡聚糖,可以激活我哋嘅免疫力細胞令到佢哋更加快咁樣去辨別到病原體!

補充足夠維他命B群同埋維他命D3

維他命B群係我哋免疫力嘅最基礎維他命,好多時我哋為咗可以去旅行時食多啲嘢,所以去旅行之前都會節食,其實對我哋個免疫力傷害好大!

因為會令到我哋維他命B群流失,造成一段時間免疫力下降,所以最好嘅方法係去旅行之前7日輕量節食再同時補充足夠維他命B群咁樣免疫力就長時間喺工作狀態!

維他命D3 就係加強我哋呼吸道免疫力用嘅維他命,因為佢可以激活我哋嘅白血球細胞令到佢哋更加快咁樣可以消滅病原體,另外佢可以加快身體呼吸道消炎,有一啲嘅研究話只要身體維他命D嘅濃度比較高,其感染上呼吸道感染嘅風險係會比其他人低。

去旅行時

去旅行最怕就係便秘,因為宿便重量可以高達4公斤,所以最好嘅方法就係日日有得去廁所,呢個時間可以帶一啲乳酸桿菌含量比較高嘅益生菌去!

纖維補充劑都好重要❗️因為去旅行嘅時候都好少機會可以食到足夠嘅蔬菜同埋水果所以有足夠嘅纖維可以防止我哋便秘同埋食物喺腸胃發酵引致腸胃脹氣問題,但係要注意每個人嘅腸道益生菌嘅種類都唔同,所以要自己試下邊一隻嘅纖維補充劑適合自己,所以我哋會建議用一啲整合成嘅纖維補充制即係由多種蔬菜同埋水果嘅纖維性等身體有得揀!

去完旅行

依個時間身體會出現一個嘅免疫力驟降嘅時間,因為身體又要重新適應過香港嘅飲食同天氣加上我哋嘅壓力荷爾蒙轉變,會令免疫力突然之間急降,所以依段一定要補充足夠嘅消炎同埋抗氧化嘅補充劑例如最簡單嘅魚油同埋花青素,可以幫助減低呼吸道嘅炎症,等我哋嘅免疫力細胞可以唞吓!

不過可能大家已經出發咗去旅行🤭

 

文章獲 Jim Lau – 註冊營養師 授權轉載

其他文章:

飲食|為何心血來潮總係想食甜嘢|註冊營養師 Jim Lau

時令水果 |水果食得多一定好?時令水果糖分圖鑑|註冊營養師 Jim Lau

熱門文章

濕疹食療|潮濕天氣濕疹發作痕癢滲水 中醫教搽3種膏+推介7款湯水止痕去濕
02-07
腦退化|19歲男患阿茲海默症全球最年輕 忘記有否吃飯 10警號要小心
02-07
立春│湯水食譜淮山杞子日月魚湯 10款抗病養肝食品+疏肝穴位│註冊中醫師李耀培
02-03
食用安全|農心辛辣麵驗出一級致癌物恐致血癌乳癌 日本士多啤梨都出事
01-19
腦退化|早餐喝1飲品有效防腦退化中風 改善4大身體問題
01-30

兒童及青少年也會患上抑鬱症 切勿忽視身體症狀
2022-07-20
【特約分享】世界各地小朋友嘅新冠病毒感染率不斷上升
2022-05-03
腦退化|19歲男患阿茲海默症全球最年輕 忘記有否吃飯 10警號要小心
2023-02-07
胃脹|飲牛奶易致胃脹濕疹? 中醫揭6類人不宜飲用
2023-02-02
兒童健康│醫生提醒 保持鼻腔濕潤防流鼻血 |慈慧幼苗
2023-01-30
腦退化|早餐喝1飲品有效防腦退化中風 改善4大身體問題
2023-01-30
查看更多   ▸