【小小豬】海底椰紅蘿蔔粟米瘦肉湯

依排天氣又嚟奇奇怪怪，又係時候煲下啲滋潤，最好就有埋止咳同埋預防皮膚乾燥嘅湯，咁就由內滋到外，小小豬就可以KEEP住做一隻滑滑豬啦~

海底椰有止咳潤肺之功效；紅蘿蔔就有助健脾消食，同埋化痰解毒；粟米就可以益氣補脾。

材料就有：海底椰1兩、粟米及紅蘿蔔各2條、豬肉眼$40、蜜棗三個~

瘦肉洗淨汆水備用，海底椰及蜜棗浸洗一陣~

粟米及紅蘿蔔去皮切塊~

將3L清水燒熱，然後放入所有材料~

待水再滾後用大火加蓋煲約15分鐘~

之後轉慢火加蓋煲多1小時~

最後加鹽調味，就可以飲得啦~

紅蘿蔔加粟米都係小小豬至愛，所以依個湯佢都係一口氣飲左兩大碗，而且仲食左兩粒粟米同好多紅蘿蔔，今餐真係可以話飽到冇朋友，小小豬仲叫我過兩日再煲過俾佢飲添！

更多小小豬的湯水:

【提高免疫力】青紅蘿蔔猴頭菇豬骨湯

【轉天氣必飲】無花果滋潤茶

【止咳化痰】印度椰子雪蓮果素湯

【滋陰潤肺】鮮百合印度椰子竹絲雞湯

【應節進補】鵪鶉雪耳百合蓮子湯

【超級滋潤】雪梨麥冬無花果茶

【簡單易煲】番茄豆腐豬肉碎蛋花湯

【祛燥潤喉】杞子菊花茶

【簡單易滾】西洋菜肉片湯

【健脾益胃】淮山黨參瘦肉湯

【舒緩喉嚨痛】 青欖龍脷葉羅漢果海底椰湯

【提高免疫力】 蟲草花螺頭烏雞湯

【增強抵抗力】淮山圓肉燉牛肉

【止咳潤肺】印度椰子雪耳瘦肉湯

【清熱解毒】粟米鬚紅蘿蔔馬蹄水

【舒緩濕疹】紅蘿蔔無花果瘦肉湯

【補腦益智】南棗核桃杞子茶

【清熱滋潤】無花果蘋果菊花茶

【舒緩氣管敏感咳嗽】 蘋果雪梨 三棗茶

【補而不燥】桑椹杞子圓肉茶

【止咳潤肺】龍利葉海底椰無花果蘋果茶

【增強免疫力】 太子參螺頭瘦肉湯

【清甜清熱】竹蔗茅根馬蹄蘋果湯

【清熱明目】無花果杞子菊花茶

【清心潤肺】雙耳木瓜湯

【清熱消滯】山楂桔餅薏米茶

【健脾滋潤】 合掌瓜鮮淮山湯

【滋潤降火】蘋果雪梨蜜果茶

【清熱降火】蘆茅葛根冬瓜茶

【清熱下火】黃瓜薏米螺頭瘦肉湯

 【清熱滋潤】蘋果雪梨茶

 【清甜滋潤 】海底椰 蘋果雞腳湯

  【去濕消腫】 鳳梨苦瓜排骨湯

【有益易煲】 豬骨咸蛋 冬瓜湯

【補而不燥】雙參海竹頭無花果湯

【入秋滋潤】雪耳南瓜粟米湯

作者：小小豬的成長日誌